Aur Saleeb Toot Gai اور صلیب ٹوٹ گیئ

اور صلیب ٹوٹ گئی- سابق مسیحی مبلغ ریاس پٹیر کے عبداللہ بن کر دائرہ اسلام میں داخل ہونے کی حیرت انگیز اور ایمان افروز سوانح حیات ہے۔ اس کتاب میں انہوں نے نہ صرف اپنے قبول اسلام کے والہانہ پس منظر کو بیان کیا ہے، بلکہ تین سالہ تحقیقی دور کے حقائق بھی بے باکی سے قلمبند کیے ہیں۔ ان کا سفرِ تحقیق مختلف اسلامی اسکالرز سے ملاقاتوں اور ریسرچ سینٹرز کے دوروں پر مبنی ہے، جس کی رپورٹنگ ایک طرف سبق آموز ہے تو دوسری طرف دل گداز۔ وہ برملا ان تفرقوں اور گروہ بندیوں کو بے نقاب کرتے ہیں جہاں ہر فرقے کا اپنا “اسلام” ہے، جس پر ایک عام مسلمان کی گردن شرم سے جھک جاتی ہے۔ اس کے ساتھ ہی، عبداللہ ریاس نے عیسائیت کے مرکزی عقائد اور عیسائی مشنریوں کی سرگرمیوں کا نہایت مدلل اور جرات مندانہ تجزیہ پیش کیا ہے، خصوصاً مذہب کے نام پر عورت کے استحصال جیسے نازک موضوعات کا پردہ چاک کر کے حقیقت کو دنیا کے سامنے لایا ہے۔ یہ کتاب تقابلی مطالعہ، سوانح نگاری، اور اسلامی دفاع کے میدان میں ایک شاہکار کا درجہ رکھتی ہے