Taiseer ul-Quran تیسیر القرآن

“تیسیر القرآن” ایک جامع اردو تفسیر ہے جو مشہور عالم دین مولانا عبد الرحمٰن کیلانی کی محققانہ کاوش ہے۔ اس تفسیر کی سب سے بڑی خوبی اس کا نہایت آسان، سلیس اور رواں ترجمہ اور اسلوب ہے، جس سے عام قاری بھی قرآن کو آسانی سے سمجھ سکتا ہے۔ یہ تفسیر قرآن کی آیات اور صحیح احادیث کی روشنی میں کی گئی ہے، اور اس میں عصر حاضر کے فتنوں، خاص طور پر مغربی نظریات سے متاثر اور منکرینِ حدیث کی بھرپور تردید کی گئی ہے۔ یہ چار جلدوں پر مشتمل ایک شاہکار ہے جو قاری کو باطل افکار اور عقل پرستی سے نبرد آزما ہونے کا ڈھنگ سکھاتی ہے۔